ФИРУЗА ШАРИПОВАНЫҢ ҚАРСЫЛАСЫ БЕЛГІЛІ БОЛДЫ

Қазақстандық кәсіпқой боксшы Фируза Шарипова (14-1, 8КО) өзінің келесі жекпе-жегін 11 желтоқсан күні Ливерпуль қаласында жеңіл салмақтағы әлемнің абсолют чемпионы, ирландиялық Кэти Тэйлорға ( 19-0, 6КО)  қарсы өткізеді. Кездесу 10 раундқа жоспарланған. 

35 жастағы Кэти Тэйлор 2012 жылғы Лондон Олимпиадасының жеңімпазы. Әлем және Еуропа біріншіліктерінде жүлде алған спортшы. Кәсіпқой рингте жеңілмеген Кэти Тэйлор қыркүйек айында АҚШ өкілі Дженнифер Хэнмен (18-4-1, 1КО) болған кездесуде атағын қорғап қалған. 

27 жасар отандасымыз өзінің соңғы кездесуінде ресейлік Любовь Белякованы нокаутпен жеңген еді.