«Бавария» «Лионды» жеңді

Чемпиондар лигасының жартылай финалдық кездесуінде «Бавария» «Лионды» 3:0 есебімен жеңді.

Кездесу Лиссабонда (Португалия) «Жозе Алваладе» стадионында өтті. Матчқа Матео Лаос бастаған испандық төрешілер тобы қазылық етті.

Есеп бірінші таймның ортасында ашылды. 18-минутта Йозуа Киммихтің пасының арқасында Серж Гнабри алғашқы голдың авторы атанды. 33-минутта Германия клубы екінші голды соғып кетті, Гнабри дубль жасады. Матч соңында Роберт Левандовски Киммихтің пасынан кейін есепті 3:0-ге жеткізді.

Финалда «Бавария» франциялық «Пари Сен-Жерменмен» кездеседі. Шешуші матч 23 тамызда Лиссабонда «Да-Луж» стадионында өтеді.

УЕФА Чемпиондар лигасының финалын «QAZSPORT» телеарнасы 23 тамызда, Нұр-Сұлтан уақытымен сағат 00:50-де тікелей эфирде көрсетеді.