«Барыс» сырт айдында ЦСКА-ны тізе бүктірді

Елордалық "Барыс" сыр айдында мәскеулік ЦСКА-дан басым түсті. Аталмыш доданың көшбасшылары ойынның фавориті саналғанымен, Скабелка ойыншылары жеңісті жұлып алды.

Алғашқы кезеңде командалар шайба алмасып, екінші кезеңде елордалықтар есепте алға шықты. Шайба авторы - Виделль. Соңғы 20-минуттықта айдын қожайындары есепті теңестіргенімен, Даррен Дицтің голы қонақтарға жеңіс сыйлады.

ЦСКА (Мәскеу, Ресей) — «Барыс» (Нұр-Сұлтан, Қазақстан) 2:3 (1:1, 0:1, 1:1)

Шайбалар:

1:0 — 12:08 Толчинский (Вей, Марченко).

1:1 — 18:19 Найт (Метальников, Пакаринен). 

1:2 — 35:49 Виделль (Найт, Охтамаа).

2:2 — 48:11 Дальбек (Вей, Робинсон). 

2:3 — 52:47 Диц (Найт, Виделль). 

15 ақпанда «Барыс» елордада «Сочиді» қабылдайды.