Головкин мен Деревянченко жекпе-жегі 5 қазанда өтеді

Қазақстандық кәсіпқой боксшы Геннадий Головкин мен украиналық Сергей Деревянченко 5 қазан күні "Мэдисон Сквер Гарден" аренасында IBF титулын сарапқа салады. Мексикалық былғары қолғап шебері Сауль Альварес украиналық Деревянченкомен жекпе-жек өткізуден бас тартқан соң 1 тамыз күні аталмыш белбеуді босатты. Осыдан бір жыл бұрын Головкинның қарсыласы IBF белбеуін иеленуге тырысқанымен, америкалық спортшы Дэниель Джейкобстан айласын асыра алмады. 

Отандасымыз әлеуметтік желідегі парақшасында екінші үйі "Мэдисон Сквер Гарден" аренасына оралатындығына қуанышты екендігіне тоқталып, бокс кеші өте қызықты өтетіндігін айтты.