GGG-Canelo III: келіссөздер басталды

Қазақстандық Геннадий Головкин мен мексикалық Сауль Альварес арасында үшінші жекпе-жекті өткізу туралы келіссөздер басталды. Бұл туралы Sport Illustrated сайтының тілшісі Крис Мэнникс хабарлайды.

DAZN стримингтік сервисі үшін үшінші кездесуді жақын арада өткізу өте маңызды. Бұл платформа үшін жаңа көрермендерді көптеп тартуға септігін тигізеді.

Алайда бокс кешінің өтетін жерін таңдауға байланысты келіссөздер ұзаққа созылуы мүмкін. 

GGG үшінші кездесуді Нью-Йорк немесе Техас штатында өткізуді қаласа, мексикалық боксшының тарапы Лас-Вегасты таңдап отыр.