Бес боксшы Шанхайдағы бокстан халықаралық турнирдің финалына шықты

Бокстан Шанхайда өтіп жатқан халықаралық турнирдің финалына бес қазақстандық боксшы жолдама алды.

Алтын медаль үшін жекпе-жектерге алғашқы болып жартылай финалда қарсыластарынан басым түскен ағайынды Айбек Оралбай және Нұрбек Оралбай шықты. Сонымен қатар, финалдық сында Нұрбол Қалжанов, Саматәлі Төлтаев және Талғат Шәйкен бақ сынайды. 

Ақтық сындағы қазақстандық боксшылардың қарсыластары:

56 кг - Нұрбол Қалжанов - Чен Жихао (Қытай);

60 кг - Саматәлі Төлтаев - Мишилт Батвмур (Моңғолия);

69 кг - Талғат Шәйкен - Джоэль Энверцо Бахо (Филиппин); 

81 кг- Нұрбек Оралбай - Жан Жиле (Қытай); 

91 кг- Айбек Оралбай - Реламу Абудериксити (Қытай).

Фото: ҚР ҰОК