"Бір алтын, бес күміс". Бокстан Бакудегі халықаралық турнир өз мәресіне жетті

Әзірбайжан астанасы Бакуде өткен "Жібек жолы" халықаралық турнирі аяқталды. Ақтық сында шаршы алаңға шыққан алты қазақстандық боксшының бесеуі күмісті қанағат тұтты.

49 келіге дейінгі салмақта сынға түскен Шалқар Айқынбай финалда Өзбекстан боксшысы Нодирджон Мырзахмедовті жеңіп, турнир жеңімпазы атанды.

52 келідегі Олжас Байниязов, 56 келідегі Оразбек Асылқұлов, 64 келідегі Сабыржан Бекбергенов, 69 келідегі Мәулен Өскенбек және аса ауыр салмақтағы Данила Семенов күміс медальға қанағат етті.

49 келідегі Ермек Мәдиев пен 64 келідегі Алмазбек Әлібековтер турнирдің жартылай финалында сүрініп, қола жүлдегер атанды.

Еске сала кетейік, Бакудегі турнирге ұлттық құраманың екінші және үшінші нөмірлі спортшылары аттанған болатын. 

Фото: ҚБФ