"Барыс" Омбылық "Авангардқа" есе жіберді

Астаналық "Барыс" хоккей клубы Гагарин кубогының 1/4 финалдық сериясы аясындағы алғашқы ойында Омбылық "Авангардқа" есе жіберді. "Барыс Арена" мұз айдынында өткен кездесуде Скабелка шәкірттері алғашқы периодта өз қақпаларына екі шайба жіберіп алды. Қарсылас сапынан Кирилл Петров пен Илья Михеев көзге түсті.

Астаналықтар тек үшінші кезеңде есеп айырмасын бір шайбаға қысқарта алды. 45-ші минутта Андре Петерссон мергендік танытты. Матчтың соңғы минуттарында таразы басын теңестіруге тырысқан алаң иелері қақпашыны алмастырғанымен, қарсыластар қарымта шабуылды ұтымды пайдаланып есепті еселей түсті. Қорытынды есеп 1:3.

Серияның келесі ойыны 16 наурыз 16:45-те QAZSPORT арнасының тікелей эфирінде.

Фото: "Барыс" ХК