Хоккейден Қазақстан құрамасы "Мұрагер кубогы" турнирінің жеңімпазы атанды

Шайбалы хоккейден Қазақстан құрамасы Оңтүстік Кореяда өтіп жатқан "Мұрагер кубогы" турнирінің жеңімпазы атанды . Соңғы ойында отандастарымыз Латвия құрамасынан овертаймда басым түсті. Ойынның негізгі уақытында Ұлттық құрама сапынан Шестаков пен Клещенко көзге түссе, жеңіс шайбасын овертаймда Некряч салды.

Естеріңізге сала кетейік, бұған дейінгі қос ойында Юрий Михайлис шәкіріттері Жапония (5:2) және Оңтүстік Корея (5:1) құрамаларын жеңген болатын.