Australian Open. Путинцева мен Дияс алғашқы айналымнан сүрінбей өтті

Қазақстандық теннисшілер Юлия Путинцева мен Зарина Дияс Австралия ашық чемпионатының жұптық сыны аясындағы алғашқы айналымда словениялық Далила Якупович және ресейлік Ирина Хромачёвадан басым түсті.

Екі сетке созылған ойында отандастарымыз 6:3, 6:4 есебімен жеңіске жетті.

Келесі кезеңде қазақстандық жұп чехиялық Барбора Стрыцова және Маркета Вондрусовамен кездеседі. Естеріңізге сала кетейік, Ю.Путинцева Б.Стрыцованы жекелей сынның алғашқы айналымында жеңген болатын.