"Астана" клубы "Динамоға" есе жіберді. 1/16-ның екінші жолдамасы соңғы турда шешіледі

УЕФА Еуропа лигасының топтық кезеңі аясында елодалық "Астана" клубы "Динамо Киевке" есе жіберді.

"Астана-Арена" стадионында өткен матчта қонақтар 29-шы минутта есеп ашты. Киевтік команданың ойыншысы Беньямин Вербич астаналық ұжымды қапы қалдырды.

Ойынның қалған бөлігі қазақстандық клубтың шабуылдауымен өткенімен, қарсылас қақпасынан саңылау табылмады. 

Осылайша, "Динамо" қоржындағы 11 ұпаймен Еуропа лигасының плей-офф кезеңіне жолдама алды.

Сондай-ақ, осы топтағы тағы бір ойында француздық "Ренн" чехиялық "Яблонецті" сырт алаңда 1:0 есебімен ұтып, екінші жолдамаға таласын жалғастыруда. Енді, 1/16 финалының екінші жолдамасының иесі "Ренн" - "Астана" ойынында анықталатын болады.

Фото: "Астана" ФК