Өзбекстандық боксшы Хасанбай Дусматов Рио Олимпиадасында Вэл Баркер кубогын алды

Өзбекстандық боксшы Хасанбай Дусматов Рио Олимпиадасының қорытындысы бойынша, Вэл Баркер кубогын алды. Бұл сыйлық Олимпиада ойындарының техникасы ең мықты спортшысына беріледі, деп хабарлайды ТАСС. Рио-де-Жанейрода өткен Олимпиада ойындарында Дусматов 49 келі салмақта өнер көрсетіп, алтын медальді жеңіп алды. Айта кетейік, аталмыш кубок Олимпиада ойындарында 1936 жылдан бері беріліп келеді. 1964 жылы оны Кеңес Одағының боксшысы Валерий Попенченко, ал, 2000 жылы ресейлік Олег Саитов алған болатын. Бұған қоса, америкалық Кларесса Шилдс Олимпиадада Вел Баркер кубогын жеңіп алған алғашқы әйел болды. Шилдс 2016 жылғы Олимпиада ойындарында 75 келіге дейінгі салмақта өнер көрсетіп чемпион атанды.